Ötən həftənin sonlarında İran ordusu tərəfindən yəhudi dövlətinə misli görünməmiş hücum həyata keçirilib. Bunun üçün ABŞ və İngiltərə İslam Respublikasına qarşı sanksiyalar tətbiq edib.
ABŞ və Britaniya ötən həftənin sonunda İsrailə qarşı kütləvi hücuma görə İrana qarşı yeni sanksiyalar tətbiq edir. Bu barədə Amerika prezidentinin Ağ Evin saytında yerləşdirilmiş bəyanatında deyilir.
16 fiziki və 11 hüquqi şəxs Amerikanın qara siyahılarına, 7 fiziki və 6 hüquqi şəxs isə Böyük Britaniyanın qara siyahısına salınıb.

Co Baydenin sözlərinə görə, tədbirlər İran İnqilabı Keşikçiləri Korpusu və İran Müdafiə Nazirliyi ilə əlaqəli fiziki və hüquqi şəxslərə və bu hücumun həyata keçirilməsinə kömək edənlərə aiddir.

ABŞ həmçinin İslam Respublikasının mikroelektronikaya çıxışını məhdudlaşdırmaq üçün ixrac nəzarətini gücləndirmək qərarına gəlib.

Xatırladaq ki, aprelin 13-dən 14-nə keçən gecə İran İsrailə 300-dən çox pilotsuz təyyarə və raket zərbəsi endirib. İsrail mərmilərin 99%-ni vurmağı bacardıqlarını qeyd edib.