Rusiya ilə Hindistan arasında münasibətlərin tarixi çox dərindir və Yeni Dehli hökumətdə kimin olmasından asılı olmayaraq Qərb naminə onları qurban verməyəcək. “İzvestiya” qəzetinin yazdığına görə, Hindistanın Birgə Müdafiə Araşdırmaları İnstitutunun Strateji Araşdırmalar və Modelləşdirmə Mərkəzinin rəhbəri Rakeş Bhadauriya parlament seçkilərinin iki ölkə arasında münasibətlərə mümkün təsirini qiymətləndirib.
Hindistan parlamentinin aşağı palatasına seçkilər bir neçə rekord qırmağı vəd edir. Belə ki, onlarda bir milyarda yaxın insan iştirak edəcək və səsvermənin özü bir aydan çox davam edəcək: aprelin 19-dan iyunun 1-dək. Təhlilçilər hesab edirlər ki, seçkilərdən sonra Qərb ölkələri Çinin regionda əsas rəqibi kimi Hindistan hakimiyyəti ilə münasibətləri gücləndirə, həm də onları Rusiya Federasiyasına qarşı yönəltməyə cəhd edə bilər.
Ekspert bildirib ki, Rusiya Hindistanın inamlı siyasi davranışı ilə “oynaya” bilər

Bhadauria hesab edir ki, Rusiya ilə əməkdaşlıqda heç bir problem nəzərdə tutulmur. O, iki ölkə arasında əlaqələrin dərin tarixə söykəndiyini və həmişə möhkəm olduğunu vurğulayıb.

“Və onlar istənilən halda güclənəcəklər - ya indiki hakimiyyət qalır, ya da yenisi gələcək. Çünki Hindistan və Rusiya arasında münasibətlərin güclü olmasının bir neçə əsas səbəbi var. Qeyd etmək lazımdır ki, Qərb dövlətləri ilə əlaqələrin gücləndirilməsi Rusiya ilə münasibətlərimiz hesabına olmayacaq”, - ekspert bildirib.