Rusiya Xarici İşlər Nazirliyi Azərbaycan, Ermənistan və Rusiya arasında bir sıra üçtərəfli sazişlərin, o cümlədən Bakı və İrəvan arasında sülh müqaviləsinin razılaşdırılması, regionda nəqliyyat kommunikasiyalarının blokunun açılması və Azərbaycan-Ermənistan sərhədinin delimitasiyası da daxil olmaqla, həyata keçirilməsinin zəruriliyini qeyd edib. Bu barədə Rusiya Xarici İşlər Nazirliyinin kollegiyasının “Cənubi Qafqazda Rusiyanın maraqlarının təşviqi” mövzusunda keçirilən iclasında deyilir.

Qeyd olunub ki, Rusiya üçün həmişə prioritet Cənubi Qafqazda sabitliyin, təhlükəsizliyin və rifahın təmin edilməsi olub və olmaqda davam edir. Azərbaycan, Ermənistan və Rusiya arasında üçtərəfli sazişlər kompleksinin tam yerinə yetirilməsi, o cümlədən Bakı ilə İrəvan arasında sülh müqaviləsinin təsdiqi, regionda nəqliyyat kommunikasiyalarının blokunun açılması və sərhədlərin müəyyənləşdirilməsi üçün səylərin davam etdirilməsi zəruri hesab edilib. Azərbaycan-Ermənistan sərhədi.

İclasda regionun üzləşdiyi problemlərin həlli maraqları naminə, ilk növbədə, kənar müdaxilə olmadan region liderlərinin özlərinin səyləri ilə bağlılığın və özünü təminat səviyyəsinin gücləndirilməsi vəzifələrinə baxılıb. Bu kontekstdə “3+3” Məşvərətçi Regional Platformasının (Azərbaycan, Ermənistan, Gürcüstan və İran, Rusiya, Türkiyə) potensialından istifadənin xüsusi əhəmiyyəti vurğulanıb. Bu istiqamətdə əməli addımlar müəyyən edilib.