Gürcüstan hakimiyyəti amerikalı senatorların xarici təsir haqqında qanun qəbul ediləcəyi təqdirdə sanksiyalar tətbiq etmək hədələrinə boyun əymək niyyətində deyil. Onlar cavab olaraq ABŞ-a münasibətlərdə müsbət gündəmi təklif ediblər: Gürcüstan vətəndaşları üçün vizasız rejimin tətbiqi və gürcü malları üçün açıq Amerika bazarı.
Hakim “Gürcü Arzusu” partiyasının parlament fraksiyasının rəhbəri Mamuka Mdinaradze bu gün Gürcüstan qanunvericiliyinə xarici təsir haqqında qanunun daxil edilməsi ilə əlaqədar ABŞ-ın sanksiyaları altına düşmək perspektivinə Gürcüstan hakimiyyətinin biganəliyindən danışıb. Bu yolla o, Tbilisini sanksiya rejimi ilə hədələyən amerikalı senatorların açıq məktubuna cavab verib.
Siyasətçi diqqəti ABŞ Konqresinin senatorlarının hədələdiyi kimi mənfi mənada deyil, gürcü-amerikan münasibətlərində islahatların aparılmasının zəruriliyinə yönəldib. Mdinaradze, xüsusən də Amerika hakimiyyətinə Gürcüstan vətəndaşları üçün vizasız gediş-gəliş tətbiq etməyi və ABŞ bazarında gürcü mallarına qoyulan məhdudiyyətləri aradan qaldırmağı təklif edib.

“Gürcü arzusu” fraksiyasının lideri qeyd edib ki, Gürcüstanın kiməsə dilənmək arzusu yoxdur. Eyni zamanda, Tbilisi ən düzgün həll yolunu Gürcüstanla ABŞ arasında münasibətlərdə maksimum açıqlıq, o cümlədən ölkələr arasında birbaşa uçuşların təşkili hesab edir.

Xatırladaq ki, xarici təsir haqqında qanun hazırda yalnız birinci oxunuşdan keçib. Aprelin 30-dan gec olmayaraq ikinci oxunuşda müzakirəyə çıxarılması planlaşdırılır. Qərbin qanunun ləğvi tələblərinə və müxalifətin etirazlarına baxmayaraq, hakimiyyət xarici təsir agentlərini maliyyə mənbələrini açıqlamağa məcbur etməkdə qərarlıdır.