Fransa səfiri Ann Boyon ölkə rəhbərliyi tərəfindən məsləhətləşmələr üçün çağırıldıqdan sonra Azərbaycana qayıdıb və diplomatik fəaliyyətini davam etdirir. Bu barədə Azərbaycan mətbuatı diplomatik mənbəyə istinadən məlumat yayıb.

Xatırladaq ki, aprelin 16-da Fransa Xarici İşlər Nazirliyi Fransa hakimiyyətinin ölkənin Azərbaycandakı səfirini məsləhətləşmələr üçün geri çağırmaq qərarına gəldiyini açıqlamışdı. Üstəlik, Paris hər şeyi “Bakı ikitərəfli münasibətlərə xələl gətirir” kimi çevirdi. Fransa Xarici İşlər Nazirliyinin bəyanatında deyilir ki, Fransa prezidenti Emmanuel Makron səfir Ann Bolyonu qəbul edərkən “Azərbaycanın hərəkətlərindən təəssüfləndiyini bildirib və Azərbaycan tərəfinə öz niyyətlərinə aydınlıq gətirməsini arzulayıb”.

Yada salaq ki, Parisin mütəmadi olaraq Azərbaycan əleyhinə atdığı addımlar və Ermənistanın açıq dəstəyi ilə Azərbaycanla Fransa arasında münasibətlər son illər kəskin şəkildə pisləşib. Rəsmi Bakının bəyan etdiyi kimi, bu gün Azərbaycan və Fransa münasibətlərindəki vəziyyəti tarixin ən pisi adlandırmaq olar.