Birləşmiş Ştatlar Vaşinqtonun İrəvana dəstəyi gücləndirmək üçün hansı addımlar ata biləcəyini müəyyən etmək üçün Ermənistandan gələn “bir sıra sorğuları” nəzərdən keçirir. Bu barədə çərşənbə günü ABŞ dövlət katibi Entoni Blinken açıqlama verib.
ABŞ Nümayəndələr Palatasının Xarici Əlaqələr Komitəsinin dinləmələrində ABŞ diplomatiyasının rəhbəri heç bir təfərrüata varmadan deyib: “Biz Ermənistanla dəstəyimizi və əməkdaşlığımızı gücləndirmək üçün daha nə edə biləcəyimizi müəyyən etmək üçün Ermənistandan gələn bir sıra sorğuları nəzərdən keçiririk”.
Eyni zamanda, Blinken xatırladıb ki, aprelin əvvəlində onun Avropa Komissiyasının rəhbəri Ursula fon der Leyen və Ermənistanın baş naziri Nikol Paşinyanla Brüsseldə birgə görüşü baş tutub. Xarici siyasət idarəsinin rəhbərinin sözlərinə görə, bu məsləhətləşmələr məhz ABŞ və Aİ-nin “Ermənistanı dəstəkləmək üçün daha nə edə biləcəyini” öyrənmək məqsədilə aparılıb. "Və biz bir sıra müxtəlif sahələrdə irəliləyəcəyik" deyə Blinken heç bir konkret məlumat vermədən yenidən söz verdi.

Dövlət katibi Azərbaycan və Ermənistanın sülh müqaviləsi imzalayacağına da ümid etdiyini bildirib.