Hələ 2018-ci ildə mən bəyan etmişdim, indi də deyirəm ki, bizim üçün demokratiya şəraitdən asılı deyil, bu, bizim strategiyamızdır. Bunu Ermənistanın baş naziri Nikol Paşinyan Ermənistan Demokratiya Forumunda çıxışı zamanı deyib.

“Həm hökumət, həm də hakim çoxluq bu strateji kursu davam etdirəcək. Beynəlxalq ictimaiyyət Ermənistan Respublikasını getdikcə beynəlxalq və ya qlobal demokratiyanın bir hissəsi kimi qəbul edir. Bu, bəlkə də bizim ən mühüm nailiyyətimizdir”, - deyə o bildirib.

Bizim baxışımız Paşinyanın çıxışı ilə paralel olaraq cəmi 20 gün əvvəl, iyunun 12-də Milli Assambleyanın yaxınlığında baş vermiş dinc aksiyanın sərt şəkildə dağıdılmasının görüntülərini təqdim edir. “Vətən uğrunda Tavuş” hərəkatının digər aksiyalarından kadrlar da təqdim olunur.

Paşinyanın sözlərinə görə, belə çıxır ki, bu Ermənistan beynəlxalq ictimaiyyət tərəfindən qlobal demokratiyanın bir hissəsi kimi qəbul edilir!