Çanaqqala boğazında hərəkət müvəqqəti olaraq dayandırılıb.

Azadmedia.az xəbər verir ki, bu barədə Türkiyənin Nəqliyyat və İnfrastruktur Nazirliyi məlumat yayıb.

Belə ki, həmin məlumata görə, hərəkətin dayandırılmasına səbəb 183 metr uzunluğundakı SAPPHO adlı tankerin mühərrikində yaranan nasazlıqdır.

Həmçinin gəmidə ola biləcək yanğın təhlükəsi ilə bağlı nazirlik əraziyə əlavə qüvvələr cəlb edib.

Qeyd edək ki, hazırda Çanaqqala boğazında cənubdan şimala gəmilərin hərəkəti müvəqqəti olaraq dayandırılıb.