Azərbaycan Turizm Agentlikləri Assosiasiyası Park Bulvar AVM və AzFest Groupun birgə təşkilatçılığı ilə sosial sahəyə dəstək məqsədli Turizm Sərgisi keçirilib. Sərgidə Bakı şəhərində fəaliyyət göstərən turizm şirkəti iştirak edib və onlar öz xidmətlərini və məhsullarını ziyarətçilərin diqqətinə çatdırıblar. Sərgi Park Bulvara gələn ziyarətçilərinin böyük marağına səbəb olub. Şəhərimizin sakinləri və qonaqları Park Bulvarda təşkil edilən turizm sərgisində yerli və xarici tur paketləri ilə yaxından tanış olublar. Xatırladaq ki, sərgidəb əldə olunacaq gəlir sosial layihələrin həyata keçirilməsinə yönələcək.