İki il əvvəl Azərbaycanda Şuşa və Ağdam şəhərlərinə avtobus reysləri açılıb. Bu müddət ərzində avtobuslar 28 minə yaxın insanı daşıyıb.
2022-ci il yanvarın 24-dən 2024-cü il yanvarın 25-dək Azərbaycanın işğaldan azad edilmiş ərazilərinə 28 minə yaxın insan səfər edib.

Azərbaycanın Rəqəmsal İnkişaf və Nəqliyyat Nazirliyi yanında Quru Nəqliyyatı Agentliyindən verilən məlumata görə, Şuşa və Ağdam şəhərlərinə 27 822 sərnişin daşıyan 680 avtobus reysi həyata keçirilib.

Artıq iki ildir ki, Qarabağın iki şəhərinə müntəzəm avtobus marşrutları fəaliyyət göstərir. 2023-cü ilin sonunda əcnəbi turistlərin, eləcə də şəxsi avtomobillərdə olan vətəndaşların bölgəyə səfərinə icazə verilib.

Avtobus biletlərini www.yolumuzqarabaga.az saytından əldə edə bilərsiniz. Fevral ayı satışları 28 Yanvar saat 11.00-da açılacaq.