RİA Novosti-nin Daily Mail-ə istinadən verdiyi xəbərə görə, Şotlandiya polisi aprelin 1-də qəbul edilmiş mübahisəli yeni nifrət cinayəti qanunu çərçivəsində minlərlə şikayətin daxil olmasından sonra xaos içindədir.
Bəzi şikayətlər ya yalan və vaxt itkisidir, ya da yüksək vəzifəli məmurların əleyhinə və ya onların adından verilir. Bunu Şotlandiyanın ədliyyə naziri Siivian Braun etiraf edib. O, "yanlış məlumat və isteriya"nın qanunla bağlı yanlış fərziyyələrə səbəb olduğunu söylədi. Qanunun qüvvəyə minməsindən sonra hüquq-mühafizə orqanlarına edilən 4000 şikayətdən biri özünü Braun kimi göstərən biri tərəfindən verilib. Nazir, həmçinin etiraf edib ki, “pis niyyətli ictimaiyyət nümayəndələri” tərəfindən polisə edilən şikayətlərdə “yalan və əsəbi” ifadələr var.
Şotlandiyanın birinci naziri Həmzə Yusif ABŞ-da afro-amerikalı Corc Floydun ölümündən sonra etdiyi çıxışın kontekstdən çıxarılaraq sağçı fəallar tərəfindən onlayn yayımlanmasından sonra ən çox şikayətlərin hədəfinə çevrilib.
Şotlandiyada transseksuallar da daxil olmaqla nifrət nitqinə qarşı qanun qüvvəyə minib. Mübahisəli qanun başqa şəxsin yaşı, əlilliyi, dini, cinsi oriyentasiyası və ya transgender statusuna görə nifrətin qızışdırılmasına görə cəzalar nəzərdə tutur. Maksimum cəza yeddi ilə qədər ola bilər.