Bakı Kanadanın xarici işlər naziri Melani Colinin erməni icmasının tədbirində çıxışı zamanı Azərbaycanın Qarabağ bölgəsinə istinad edərək Azərbaycanın ərazi bütövlüyü və suverenliyinə qarşı səsləndirdiyi bəyanatları qətiyyətlə pisləyir. Azadmedia.az xəbər verir ki, bu barədə Azərbaycan Xarici İşlər Nazirliyinin mətbuat katibi Ayxan Hacızadənin Kanadanın xarici işlər naziri Melani Colinin erməni icmasının tədbirində çıxışı zamanı səsləndirdiyi fikirlərə münasibət bildirərkən deyilir.

“Bu, ilk dəfə deyil ki, Kanada xarici işlər naziri regionda separatizm və revanşist qüvvələri dəstəkləyən birtərəfli bəyanatlar verir və açıq şəkildə ermənipərəst hisslərini ifadə edir.

Bu illər ərzində Azərbaycan ərazilərinin Ermənistan tərəfindən 30 illik işğalını və yüz minlərlə azərbaycanlının hüquqlarının pozulmasını heç vaxt pisləməyən Kanada Xarici İşlər Nazirinin Azərbaycan əleyhinə əsassız bəyanatları heç bir bəyanatla çıxış etməyib. Müzakirə prosesinə qatqı təmin edəcək və BMT Təhlükəsizlik Şurasının müvafiq qətnamələrinin həyata keçirilməsini dəstəkləmək qərəzlilik nümunəsidir.

Kanada tərəfinin bu cür bəyanatları regionda sülh və sabitliyə xidmət etmir və qəbuledilməzdir.

Biz bir daha Kanada tərəfindən bu cür təxribatçı addımlardan çəkinməyi, Azərbaycanın ərazi bütövlüyü və suverenliyinə hörmət etməyi tələb edirik.

Əgər Kanada həqiqətən də regionda sabit sülhü təmin etmək istəyirsə, o zaman beynəlxalq hüququn norma və prinsiplərinin tələblərinə uyğun hərəkət etməlidir. Bunun əksi isə regionda sülhün bərqərar olması prosesinə ziyan vurmaqdan başqa bir şey deyil”, - Hacızadə bildirib.