Rusiya Federasiyasının Təhlükəsizlik Şurası bəyan edib ki, Qərb təsir agentlərinin köməyi ilə Azərbaycan və Ermənistan arasında nizamlanmaya fəal şəkildə müdaxilə edir.
Rusiya Təhlükəsizlik Şurası katibinin müavini Aleksey Şevtsov Ermənistan-Azərbaycan nizamlanmasına Qərbin təsirindən danışıb.

O qeyd edib ki, bu gün Avropa ölkələri və ABŞ təsir agentlərinin köməyi ilə Bakı ilə İrəvan arasında sülh prosesinə fəal şəkildə müdaxilə edir.

Onun sözlərinə görə, Moskva Rusiyanın regiondakı mövcudluğunu gözdən salmaq və Qərb dövlətlərinin və agentlərinin Cənubi Qafqazda təsirini artırmaq üçün bütün kənar cəhdləri qeydə alır.