Sentyabrın 5-7-də İndoneziyanın paytaxtı Cakartada Cənub-Şərqi Asiya Dövlətləri Assosiasiyasının (ASEAN) 43-cü Sammiti keçiriləcək.

Üzv ölkələrin iştirak edəcəyi əsas sammit çərçivəsində 26-cı Çin-ASEAN Sammiti, Çin, Yaponiya və Cənubi Koreyanın daxil olduğu 26-cı ASEAN+3 Sammiti, 18-ci Şərqi Asiya Sammiti və ASEAN Hind-Sakit Okean Forumu da keçiriləcək. Forumda iqtisadi inteqrasiya və regional məsələlər müzakirə olunacaq.

Sammitdə Myanmada hərbi çevrilişin və davam edən daxili qarşıdurmanın yaratdığı problemlər, Cənubi Çin dənizində suverenlik mübahisələri, Çin və ABŞ arasında artan rəqabət və təsir mübarizəsi də 10 ölkə liderinin gündəmində olacaq.