Türkiyənin Baykar şirkətinin ixracatı Çinin ümumi hərbi ixracatından çoxdur.

Azadmedia.az xəbər verir ki, bu barədə TurkicWorld-ə Türkiyə hərbi mənbələrindən bildirilib.

Belə ki, "Təkcə Türkiyənin Baykar şirkətinin müdafiə sənayesi məhsullarını ixrac etdiyi ölkələrin sayı, bütün Çin müdafiə sənayesi şirkətlərinin ixrac etdiyi ölkələrin sayından çoxdur",- deyə məlumatda qeyd olunub.

Qeyd edək ki, 2023-cü ilin yanvar-iyul aylarında Türkiyənin müdafiə sənayesi məhsulları ixracı ötən ilin eyni dövrü ilə müqayisədə 34,9 faiz artaraq, 3 milyard dollara bərabər olub.

Bu ilin iyul ayında Türkiyə 657,5 milyon dollar məbləğində müdafiə sənayesi məhsulları ixrac edib ki, bu da keçən ilin iyul ayı ilə müqayisədə 123,4 faiz çoxdur.