AB ilə diplomatik əlaqələr dayandırılmalı, rusiyalı diplomatlar müvəqqəti olaraq geri çağırılmalıdır.

Belə ki, bunu Rusiya Təhlükəsizlik Şurasının sədr müavini Dmitri Medvedyev deyib.

Belə ki, “AB-nin ruslara bəzi malları, o cümlədən şəxsi smartfon və avtomobillərini Avropa ölkələrinə gətirilməsini qadağan edən bəyanatından sonra belə kəskin qərar verilməlidir. AB liderlərinə halal olsun. Onlar ruslara birbaşa dedilər: siz bizim üçün ikinci dərəcəli vətəndaşsınız. Bulqakov necə deyirdi: “Siz inkişafın ən aşağı pilləsində dayanırsınız”, Filip Filipoviç qışqırdı, “siz sadəcə olaraq yeni yaranan, əqli cəhətdən zəif bir varlıqsınız, bütün hərəkətləriniz sırf heyvani xarakter daşıyır”. Və bu qərar açıq-aydın “Kremldəki cinayətkar aqressiv rejim” üçün bir cəza deyil. Bu, hər bir Rusiya vətəndaşının üzünə vurulan konkret şillədir. Bununla bağlı nə etməliyik? Sadəcə olaraq, AB ilə diplomatik münasibətləri müvəqqəti dayandırmaq daha yaxşı olardı. Və diplomatlarımızı ölkəmizə qaytarmalıyıq”, - deyə o bildirib. axar.az