Ukrayna Qərbin istehsal etdiyi nüvə yanacağına keçir. Bu, enerji müstəqilliyinə doğru daha bir addımdır.

Belə ki, bu barədə Britaniyanın Müdafiə Nazirliyi X hesabında məlumat yayıb.

“Ukraynanın bütün atom elektrik stansiyalarında sovet tipli reaktorlar var və 2022-ci ilin fevralına qədər ölkə Rusiya nüvə yanacağından asılı idi. Rusiyanın genişmiqyaslı işğalından sonra Ukrayna öz tədarükünü diversifikasiya etmək planlarını sürətləndirdi. Nüvə enerjisi Ukraynanın elektrik enerjisi ehtiyacının təxminən yarısını təmin edir. Buna görə də Ukrayna atom elektrik stansiyalarının operatoru olan “Energoatom”un Qərb yanacağının alınması və yüklənməsi üzrə uğuru Kiyevin enerji təchizatına təsiri əhəmiyyətli dərəcədə azalmış Rusiyadan uzunmüddətli ayrılmasında mühüm mərhələdir”, - məlumatda deyilir.axaraz