Hazırda Türkiyə şirkətləri ilə Qazaxıstanda PUA istehsalı üzrə müştərək müəssisənin yaradılması istiqamətində iş aparılır.

Azadmedia.az xəbər verir ki, bunu Qazaxıstanın müdafiə nazirinin müavini Sultan Kamaləddinov deyib.

Belə ki, o bildirib ki, son silahlı münaqişələrin təhlili PUA-dan istifadənin aktuallığını göstərir:

“Biz bunu başa düşürük və müvafiq tədbirlər görürük. Bu gün İsrail və Çində istehsal olunan PUA-larımız var, türk şirkətləri ilə birgə müəssisə yaratmaq istiqamətində işlər gedir. Amma məncə, müvafiq dövlət qurumu tərəfindən buna daha aydın münasibət bildiriləcək”.