İraqın şimalında həyata keçirilən hava əməliyyatları nəticəsində separatçı terror təşkilatı PKK-ya məxsus 31 hədəf məhv edilib.

Azadmedia.az xəbər verir ki, bu barədə Türkiyə Milli Müdafiə Nazirliyindən verilən məlumatda bildirilib. Məlumata görə, İraqın şimalındakı Qara bölgəsində terrorçulara qarşı hava əməliyyatı keçirilib.

Belə ki, məlumatda bu ifadələrə yer verilib: "Türkiyə Silahlı Qüvvələri keçmişdə olduğu kimi, bu gün də son terrorçu zərərsizləşdirilənə qədər ölkəmizin və xalqımızın təhlükəsizliyi üçün terrora qarşı mübarizəsini qətiyyətlə davam etdirir. Əməliyyat zamanı günahsız insanlara, tarixi və mədəni sərvətlərə və ətraf mühitə zərər dəyməməsi üçün hər cür tədbir görülüb''.