ABŞ Prezidenti Co Bayden və Amerikada səfərdə olan İsrailin Baş naziri Benyamin Netanyahu arasında görüş baş tutub.

Azadmedia.az xəbər verir ki, bu barədə ABŞ prezidentinin X hesabında paylaşım edilib.

Belə ki, görüşdə İranın təhdidlərinə qarşı durmaq və Tehranın nüvə silahı əldə etməsinin qarşısını almaq öhdəliyi vurğulanıb.

Həmçinin ABŞ prezidenti İranın nüvə silahı əldə edərək, bölgəni təhlükəyə salmasına heç vaxt imkan verilməyəcəyini bildirib.

Qeyd edək ki, “İranın nüvə silahı əldə etməsinin qarşısını almaq kimi ortaq məqsədimizə etibarlı hərbi təhdid, sarsıdıcı sanksiyalar və rejimə qarşı mübarizə aparan cəsur İran xalqına dəstək ilə nail olmaq olar”,- deyə Netanyahu əlavə edib.