Xarici hərbi qulluqçulara təlim keçən Britaniya Kral Hərbi Hava Qüvvələrinin (HHQ), Kral Hərbi Dəniz Qüvvələrinin (HDQ) və ordusunun keçmiş pilotları hərbi taktikaları paylaşdıqlarına görə mühakimə oluna bilərlər.

Belə ki, bu barədə Böyük Britaniyanın Müdafiə Nazirliyi məlumat yayıb.

Qeyd olunur ki, dünya üzrə xarici hərbi qulluqçulara təlim keçən Böyük Britaniya Silahlı Qüvvələrinin keçmiş personalı Milli Təhlükəsizlik Qanununa əsasən yeni cinayətlərə görə mühakimə oluna bilər.

Yeni qanun xüsusi olaraq 1-ci bölmədə “qorunan məlumatı əldə etmək və ya açıqlamaq” cinayətini ehtiva edir və “məlumatlar”ı taktika, texnika və prosedurları ehtiva edəcək şəkildə müəyyən edir.

Bu o deməkdir ki, pilotlar belə həssas məlumatları xarici güclərlə paylaşdıqlarına görə təqib olunma riski daşıyırlar.

Səlahiyyətlər qüvvəyə mindikdən sonra Müdafiə Nazirliyi müvafiq məlumatları qanuna uyğun olaraq cinayətləri araşdıra bilən polis qüvvələrinə ötürə bilər.ordu.az