Qırğızıstan Prezidenti Müdafiə Nazirliyində bir sıra təyinatlar həyata keçirib.

Azadmedia.az yerli KİV-ə istinadən xəbər verir ki, bu barədə prezidentin mətbuat xidməti məlumat yayıb.

Həmçinin məlumatda qeyd edilib ki, Silahlı Qüvvələrin (SQ) Baş Qərargah rəisi Erlis Terdikbayev müdafiə nazirinin birinci müavini təyin edilib. Digər sərəncamla Akılbek İbrayev bu vəzifədən azad edilib.

Qeyd edək ki, əvvəllər SQ-nin Cənub-Qərb Əməliyyat Komandanlığının komandanı vəzifəsində çalışan Ruslan Mukambetov Baş Qərargahın rəisi olub. Onun yerinə isə Almazbek Karasartov təyin edilib.