Cənubi Qafqazda sülhün bərqərar olmasının vaxtı çatıb. Bunu Azərbaycan Prezidenti İlham Əliyev oktyabrın 8-də Tbilisidə Gürcüstanın Baş naziri İrakli Qaribaşvili ilə birgə mətbuata bəyanatla çıxışında deyib.

Azərbaycan və Gürcüstanın hər zaman bir-birinin ərazi bütövlüyünü dəstəklədiyini qeyd edən dövlət başçısı vurğulayıb: “Biz bütün beynəlxalq təşkilatlarda bir-birimizi dəstəkləyirik və maraqlarımızı əks etdirən müəyyən məsələlərdə bir-birimizə yaxınıq. Ölkələrin ərazi bütövlüyü beynəlxalq hüququn fundamental prinsipidir və ərazi bütövlüyünün pozulması yolverilməzdir. Azərbaycanın bu məsələdə mövqeyi bəllidir”.