Türkiyə Qızıl Aypara Cəmiyyəti Əfqanıstanın Herat vilayətində zəlzələnin ciddi dağıntılara səbəb olduğu kəndlərdə təbii fəlakətdən zərər çəkmiş 2250 ailəyə ərzaq yardımı edib. Azadmedia.az xarici KİV-ə istinadən xəbər verir ki, bu barədə Türk Qızıl Aypara Cəmiyyətindən verilən açıqlamada bildirilib. Belə ki, açıqlamada qeyd olunub ki, bölgəyə göndərilən ilk tibbi yardım çərçivəsində 2250 ailəyə ərzaq yardımı edilib.
Qeyd edək ki, Türk Qızıl Aypara Cəmiyyətinin Əfqanıstandakı nümayəndə heyətinin rəhbəri Fərid Əhməd Ziya bu çətin günlərdə Əfqanıstan xalqının yanında olduqlarını və yardımların bundan sonra da davam edəcəyini bildirib.