İsrail dövlətinin təhlükəsizliyinin qorunması və müharibənin davam etdirilməsi üçün misilsiz yardımın göstərilməsi ilə bağlı razılaşmalar əldə olunub.
Azadmedia.az xəbər verir ki, bunu İsrail Baş naziri Benyamin Netanyahu ABŞ Prezidenti Co Baydenlə görüşü barədə danışarkən deyib.
Belə ki, "Biz təhlükəsizliyimizə böyük töhfə verən son dərəcə vacib bir şeyə nail olduq: İsrail dövlətinə görünməmiş miqyasda böyük təhlükəsizlik, o cümlədən döyüş qabiliyyətimizi daha da gücləndirən yardım aldıq", - deyə baş nazir bildirib.
Həmçinin Netanyahunun sözlərinə görə, Bayden İsrailə təkcə bütün xalqın ürəyinə toxunan təsəlli sözləri ilə deyil, həm də əməlləri ilə gəlib.

Qeyd edək ki, Netanyahu vurğulayıb ki, tarixdə ilk dəfə bir Amerika prezidenti müharibə zamanı İsrailə səfər edib.