Finlandiyanın telekommunikasiya avadanlıqları istehsalçısı “Nokia” üçüncü rübdə satışların 20 faiz azalmasından sonra xərcləri azaltmaq planı çərçivəsində 14 min işçini ixtisar etməyi planlaşdırır.
Azadmedia.az xarici KİV-lərə istinadla xəbər verir ki, işdən çıxarılması planlaşdırılan işçilərin sayı şirkətin işçi qüvvəsinin 16 faizinə bərabərdir.

Qeyd edək ki, şirkətdən verilən açıqlamaya görə, bu, kadr xərclərinin 10-15 faiz azaldılması deməkdir və gələn il 400 milyon, 2025-ci ildə isə 300 milyon avro qənaət gözlənilir.