Türkiyənin milli müdafiə naziri Yaşar Güler Ankaraya rəsmi qonaq kimi gələn Somali müdafiə naziri Abdulkadir Muhammed Nur ilə Müdafiə və İqtisadi Əməkdaşlıq Çərçivə Sazişi imzalayıb. Azadmedia.az xəbər verir ki, Milli Müdafiə Nazirliyindən verilən məlumata görə, ikitərəfli görüşdən sonra nümayəndə heyətləri arasında keçirilən görüşə nazirlər sədrlik edib.

Belə ki, ikitərəfli və regional müdafiə və təhlükəsizlik məsələlərinə dair fikir mübadiləsinin aparıldığı görüşdə iki ölkə arasında Müdafiə və İqtisadi Əməkdaşlıq Çərçivə Sazişi imzalanıb.

Qeyd edək ki, görüşlərdən sonra hər iki nazir görüşlə bağlı açıqlamalar verib.