ABŞ Konqresinin Nümayəndələr Palatası Kiyevə yardım haqqında qanun layihəsinə baxacaq.

Azadmedia.az xəbər verir ki, bu barədə Nümayəndələr Palatasının Kəşfiyyat üzrə Seçilmiş Komitəsinin sədri Mayk Törner bildirib.

O bildirib ki, ABŞ Konqresinin Aşağı Palatasının spikeri Mayk Conson bu məsələni apreldə müzakirəyə çıxarmağı planlaşdırır.

Həmçinin "Bu, federal hökuməti maliyyələşdirmək üçün qanun layihələrini qəbul etdikdən sonra gündəliyin növbəti əsas maddəsi olacaq", - deyə o vurğulayıb.

Siyasətçi qeyd edib ki, qanun layihəsi Konqresdə dəstək tapacaq, bundan sonra imzalanmaq üçün ABŞ Prezidenti Co Baydenə təqdim olunacaq.