"Avropa İttifaqına üzvlük, hər şeydən əvvəl, qələbəmizi möhürləməyə, təkcə silahların deyil, həm də iqtisadi əlaqələrin köməyi ilə daimi fasiləsiz sülhü təmin etməyə imkan verəcək yoldur. Bu gün biz Avropa İttifaqı ilə danışıqlar prosesinə başlamaq üçün rəsmi qərarın qəbulu ərəfəsindəyik".

Azadmedia.az-ın məlumatına görə, bunu Ukrayna Baş nazirinin müavini, Avropa məsələləri üzrə nazir Olqa Stefanişina Kiyevdə keçirilən beynəlxalq sammitin yekununda keçirdiyi brifinqdə bildirib.

Belə ki, "Avropa Birliyinə səyahətimizin bu mərhələsində qonşu ölkələrlə tərəfdaşlığın inkişafını özümüz üçün prioritet qoymuşuq. Bunlar Polşa, Macarıstan, Rumıniya, Slovakiya, hətta Bolqarıstan (Qara dənizdə qonşu) kimi ölkələrdir. Avropa Birliyinin üzvü olanlar, o cümlədən AB-yə üzvlük prosesində olanlar təkcə bizim dostlarımız deyil, bazardakı rəqiblərimiz də olacaqlar. Ona görə də bu gün əlaqələrmizin inkişafının prioriteti məhz bu məsələnin regional aspektidir", - deyə nazir vurğulayıb.