Qara dənizdə, Krım yaxınlığında Moldovaya məxsus yük gəmisi qəzaya uğrayıb.
"Ölkə.Az" xəbər verir ki, gəminin korpusu zədələnib. Qəzadan dərhal sonra ekipaj təxliyə edilib.
Regionun fövqəladə hallar idarəsinin məlumatında deyilir: "12 nəfərlik ekipajı olan "Berg" yük gəmisinin korpusu zədələnib. Gəmi Moldova bayrağı altında üzür. Ekipaj üzvləri Ukrayna və Azərbaycan vətəndaşlarıdır. Ekipaj təxliyə edilib. Gəminin korpusu yoxlanılır. Hadisənin səbəbi araşdırılır".