Bu gün FIFA Şurası Bürosunun iclası keçirilib.

AFFA-nın məlumatına görə, iclasda Azərbaycan və Özbəkistanın birgə ev sahibliyi edəcəyi FIFA U-20 dünya çempionatının tarixləri rəsmən təsdiqlənib.

Yarış 2027-ci il sentyabrın 17-dən oktyabrın 9-dək keçiriləcək. Turnirdə 24 milli komanda mübarizə aparacaq.

Qeyd edək ki, FIFA U-20 dünya çempionatı 2027-nin rəsmi brendi oktyabrın 16-da təqdim olunub. Gənc futbolçuları və azarkeşləri hədəfləyən “Bu oyun sənlikdir” şüarı yeni nəsil futbol ulduzlarını tarix yazmağa səsləyir.

Turnirin rəsmi brendi Bakının simvollarından olan Qız Qalasında və Bakı Olimpiya Stadionunda xüsusi proyeksiya vasitəsilə nümayiş etdirilib.