Portuqaliyalı hücumçu Kriştianu Ronaldu bir mövsümdə vurulan qolların sayına görə “Yuventus”un rekordunu yeniləyib.

Bu barədə “Squawka” məlumat yayıb.

“Lion”la ÇL çərçivəsində görüşdə iki dəfə fərqlənən K.Ronaldu mövsümdə 37-ci qolunu vurub. Bu isə klub üçün rekord olub.

O, bununla 95 illik rekordu yeniləyə bilib. Belə ki, buna qədər “Yuve”də rekord 1925-1926-cı illər mövsümündə Ferents Hirtser tərəfindən vurulmuş 35 qol olub.