Ukraynanın yerli sakinləri ABŞ-da əzalarını itirmiş ukraynalı əsgərlərə bahalı protezlər almağa kömək edən fond yaradıblar. Azadmedia.az xəbər verir ki, bu barədə ABŞ Müdafiə Nazirliyinin “Stars and Stripes” gündəlik qəzeti yazır.

Nəşrin məlumatına görə, fond Florida ştatında fəaliyyət göstərir, onun təsisçisi İrina Vaşçuk-Dissipio yaralıları Ukrayna Silahlı Qüvvələrində xidmət edən qardaşının köməyi ilə çıxarır.

Fond ianələr hesabına protezlər üçün pul toplayır. Eyni zamanda Vaşçuk nəşrə şikayət edib ki, bir illik işdən sonra maliyyə tapmaq getdikcə çətinləşib.

Qeyd edilir ki, Ukrayna hərbçiləri üçün protezlərin hər biri fonda 25-30 min dollara başa gəlir. Fondun müştərilərindən biri Ruslan Tişşenko bildirib ki, o, öz üzərinə götürdüyü tank əleyhinə minalarla cəbhə xəttini minalamaq istəyərkən ayağını itirib.

Daha bir Ukrayna əsgəri minaya düşüb və hər iki ayağını itirib.

“Hər əsgəri buraya gətirə bilmək üçün ianələrə güvənirik. Ən çox da amerikalılar ianə verir”, - fondun təsisçisi bildirib.