Təbii qazın Ukrayna ərazisindən Rumıniya və Bolqarıstandan keçməklə Türkiyəyə nəql olunduğu Trans-Balkan qaz kəmərinin birinci qolunun iki istiqamətliliyi təmin edildikdən sonra təbii qazın Yunanıstan və Türkiyədən Bolqarıstan şəbəkəsinə nəqli mümkün olub. Azadmedia.az xəbər verir ki, bu barədə Macarıstanın Azərbaycandakı səfiri Tamaş Torma məlumat verib.

“İnfrastrukturun belə inkişafı o deməkdir ki, Azərbaycandan gələn təbii qaz bizim regiona da çata bilər. Bu marşrutun Aİ-yə üzv dövlətlər üçün təbii qaz mənbələrinin şaxələndirilməsində əsas rolu Avropa İttifaqının 2022-ci ilin may ayına nəzərdə tutulan REPowerEU planında da vurğulanıb”, - deyə səfir izah edib.