Türkiyə prezidentinin nümayəndəsi İbrahim Kalın taxıl müqaviləsinin uzadılmasına ümid edir. Onun fikrincə, bunun üçün şanslar var.

“Mən taxıl müqaviləsinin uzadılmasına ümid edirəm, bununla bağlı şanslar var. Bu istiqamətdə lazımi səylər göstərilir”, - deyə cənab Kalın Habertürk telekanalının efirində bildirib.

Azadmedia.az xatırladır ki, Rusiya Federasiyası, Ukrayna, Türkiyə və BMT arasında 2022-ci ilin yayında bağlanmış taxıl sazişinin müddəti mayın 18-də başa çatır. Tərəflər onun uzadılması ilə bağlı danışıqlar aparır. Razılaşmaya taxıl ixracı üçün Ukrayna limanlarının açılması, eləcə də Rusiyanın kənd təsərrüfatı məhsulları və gübrələrinin ixracına maneələrin aradan qaldırılması daxildir. Rusiya dəfələrlə sövdələşmənin onun ixracına aid hissəsinin icrasını tənqid edib.