Qazaxıstan və Rusiya hakimiyyəti ölkələr arasında uçuşların və tranzit daşımaların sayını artırmaq qərarına gəlib.
Qazaxıstan və Rusiya hökumətləri hava nəqliyyatını genişləndirmək və dövlətlər arasında tranzit daşımaların sayını artırmaq barədə razılığa gəliblər. Bu gün Türküstanda hökumətlərarası komissiyanın iclası zamanı müvafiq sənədləri Qazaxıstan Respublikası və Rusiya Federasiyası hökumət başçılarının müavinləri Serik Jumanqarin və Aleksey Overçuk imzalayıblar. Xüsusilə, Qazaxıstandan Novosibirsk və Çelyabinskə hava nəqliyyatı genişləndiriləcək.

Həmçinin Rusiya Federasiyası və Qazaxıstan Respublikası hökumətinin nümayəndələri ağac məhsullarının dövlətlərin sərhədlərindən daşınması mövzusuna toxundular. Bildirilib ki, hazırda Rusiya və Qazaxıstan tərəfləri Rusiyadan taxta-şalban ixracının məhdudlaşdırılması məsələləri üzərində işləyirlər.

Qazaxıstan hökuməti başçısının müavini vurğulayıb ki, Rusiya respublikanın ən böyük tərəfdaşlarından biridir. Onun sözlərinə görə, son bir ildə ölkələr arasında ticarət dövriyyəsi təxminən 10 faiz artaraq 27 milyard dollar təşkil edib.

Öz növbəsində Aleksey Overçuk bildirib ki, Rusiya rəqəmsal sahənin inkişafında maraqlıdır.