Azərbaycan Sağlamlıq və Termal Turizm Assosiasiyasından verilən məlumata görə, ikitərəfli münasibətlərin inkişafında qarşılıqlı marağı ifadə edən sənəd müalicə və sağlamlıq turizmi sənayesi və onun inkişafı sahəsində təcrübə mübadiləsində qarşılıqlı fəaliyyəti, hər iki qurumun səlahiyyətində olan və qarşılıqlı maraq ifadə edən müalicə və sağlamlıq turizminin inkişafı məsələləri üzrə məlumat mübadiləsinin aparılması, müalicə və sağlamlıq turizminin inkişafı sahəsində fəaliyyətlərin həyata keçirilməsində səmərəli qarşılıqlı fəaliyyəti və digər istiqamətləri nəzərdə tutur.
Memorandumun şərtlərinə görə, assosiasiyalar İordaniya və Azərbaycanda müalicə və sağlamlıq turizmi sahəsində bərabərhüquqlu və qarşılıqlı faydalı əməkdaşlığın inkişafına kömək edəcək, bir-birinə müalicə-sağlamlıq turizmi fəaliyyətinin təşkili və həyata keçirilməsində məlumat, tədris, metodiki və konsultativ yardım göstərəcək, təşkil etdikləri konfranslara, seminarlara, sərgilərə və digər konsepsiyalara bir-birini cəlb edəcək, müalicə və sağlamlıq turizmi fəaliyyətinin inkişafına yönəlmiş layihələrin hazırlanması və həyata keçirilməsində əməkdaşlıq edəcək, eyni zamanda peşəkar kadrların hazırlanmasında turizm təşkilatlarının işçiləri arasında əmək təcrübəsi mübadiləsində bir-birinə köməklik edəcəklər.