Moskvanın Kutuzovski prospektindəki evlərdən birinin həyətində aktyor Qoşa Kutsenkoya məxsus "Zaporojets" markalı avtomobildə çoxsaylı bıçaq xəsarətləri olan qadın meyiti tapılıb.

Bu barədə Rusiya KİV yazıb.


Yoldan keçənlər meyiti aşkar edərək polisə müraciət ediblər.

Məlum olub ki, Kutsenko avtomobilini son iki ildir tərk edib. Aktyor avtomobili 2019-cu ilin iyununda alıb, sonra tərk edib. Maşının qapıları açıq olduğundan qadının cəsədini ora atıblar.

Şübhəli saxlanılıb. O, Kazandan olan 30 yaşlı Albert Abdulindir. Onun adam öldürmə, zorlama, soyğunçuluq, oğurluq, dövlət məmurunu təhqir etmə, öldürməklə hədələmə, qəsdən sağlamlığa ağır zərər vurma maddələri ilə çoxlu sayda məhkumluğu var.

Faktla bağlı cinayət işi açılıb.