ABŞ Prezidenti Donald Tramp gələn həftə Çin Sədri Si Cinpin və Rusiya Prezidenti Vladimir Putinlə görüşə biləcəyini açıqlayıb.

Tramp bu barədə Merilendə uçuşundan əvvəl hava limanında jurnalistlərin suallarını cavablandırarkən danışıb.

O bildirib ki, Çində keçiriləcək Asiya-Sakit Okean İqtisadi Əməkdaşlıq Təşkilatının (APEC) Zirvə toplantısı çərçivəsində hər iki liderlə görüşü mümkündür.

ABŞ liderinin sözlərinə görə, görüşlərdə qlobal təhlükəsizlik məsələləri, nüvə silahsızlanması, eləcə də Yaxın Şərqdə, o cümlədən İranda müharibənin dayandırılması müzakirə oluna bilər. Tramp qarşıdakı görüşlərin olduqca maraqlı keçəcəyini vurğulayıb.