Müqəddəs Taxt-Tacın dövlət katibi kardinal Pietro Parolin il ərzində Azərbaycana səfər edəcək. Azadmedia.az xəbər verir ki, bu, dövlət katibinin Azərbaycanın Vatikandakı səfiri İlqar Muxtarovla görüşündən sonra məlum olub.

Görüşdə Azərbaycan ilə Vatikan arasında əməkdaşlığın yüksək səviyyəsindən məmnunluq ifadə olunub, bu qarşılıqlı fəaliyyətin sivilizasiyalararası və dinlərarası dialoq, eləcə də dünyada tolerantlığın təşviqi baxımından əhəmiyyəti vurğulanıb.

Müqəddəs Taxt-Tacın dövlət katibi səfirin salamlarını Azərbaycan Prezidenti İlham Əliyevə və Birinci vitse-prezident Mehriban Əliyevaya çatdırmağı xahiş edib.