Ukraynada vəziyyətin həlli ilə bağlı istənilən plan, əgər orada Rusiyanın maraqları nəzərə alınmasa, uğursuzluğa düçar olacaq. Azadmedia.az xəbər verir ki, bunu Türkiyə prezidentinin rəsmi nümayəndəsi İbrahim Kalın deyib.

TASS onun sözlərindən sitat gətirib: “Rusiyanın daxil olmadığı istənilən sülh planı uğurlu olmayacaq, o, uğursuzluğa çevriləcək”.

Kalın onu da əlavə edib ki, danışıqlar daha iki tərəfin - Avropa və ABŞ-ın iştirakı ilə aparılmalıdır. Eyni zamanda, o, etiraf edib ki, bu gün dünya ictimaiyyəti münaqişəni davam etdirmək əzmindədir, ona görə də hələlik sülh sazişindən danışmağın mənası yoxdur.