Çin və Fransa İranın nüvə proqramı ətrafında vəziyyətin diplomatik yolla nizamlanmasına sadiqdirlər. Azadmedia.az TASS-a istinadən xəbər verir ki, bu barədə cümə günü Yelisey sarayının Çin sədri Si Tszinpinlə Fransa prezidenti Emmanuel Makron arasında apardığı danışıqların yekunlarına dair yaydığı birgə bəyanatda deyilir.

“2015-ci ildə Birgə Hərtərəfli Fəaliyyət Planının imzalanması çoxtərəfli diplomatiyada mühüm nailiyyət oldu. Fransa və Çin İranın nüvə probleminin siyasi və diplomatik həllini təşviq etməyə sadiq olduqlarını bir daha təsdiqləyirlər”, - kommünikedə deyilir. Sənəddə vurğulanır ki, Pekin və Paris “BMT Təhlükəsizlik Şurasının qətnamələrinin səlahiyyətinə və effektivliyinə” şübhə etmədən “nüvə silahının yayılmaması üçün beynəlxalq rejimin qorunmasına sadiqliklərini bir daha bəyan edirlər”.