Azadmedia.az TASS-a istinadən xəbər verir ki, Suriya Xarici İşlər Nazirliyi bəyanat yayaraq beynəlxalq ictimaiyyəti onun təbii sərvətlərinin ABŞ və onunla əlaqəli hərbi birləşmələr tərəfindən sistemli şəkildə talanmasına son qoymağa çağırıb.

"Suriya ABŞ-ın işğalçı qüvvələrinin hərəkətlərini pisləyir və ölkənin şimal-şərqindəki yataqlardan qeyri-qanuni neft ixracı nəticəsində dəymiş iqtisadi zərərin ödənilməsini tələb edir", - agentliyin bəyanatında deyilir.

Sənəddə vurğulanır ki, “Suriya xalqına məxsus təbii sərvətlərin talanması beynəlxalq humanitar hüquqa ziddir və vətəndaşların yoxsullaşmasına və iztirab çəkməsinə gətirib çıxarır”.