Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Azərbaycan Gənc Müəllimlər Assosiasiyasının təşkilatçılığı ilə həyata keçirilən layihə çərçivəsində 18 qrup üzrə 200-ə yaxın uşaq dərslərdə iştirak edib.

QHT.az xəbər verir ki, layihənin əsas məqsədi - xaricdə yaşayan soydaşlarımızın ana dilini öyrənməsi, milli kimliyinin qorunması və milli şüurlu insan kapitalının formalaşdırılması idi.

Dərslər Microsoft Teams platforması üzərindən həftədə 3 dəfə mütəmadi olaraq keçirilib. Layihə boyunca uşaqlar həm Azərbaycan dili üzrə biliklərini inkişaf etdirib, həm də milli-mədəni dəyərlərlə daha yaxından tanış olublar.

Bu gözəl təşəbbüsdə əməyi keçən hər kəsə təşəkkür edirik!