2026-cı ilin yanvar-iyul aylarında Azərbaycana ən çox Rusiya vətəndaşları səfər edib. Dövlət Statistika Komitəsinin məlumatına görə, bu dövrdə ölkəyə gələn xarici vətəndaşların ümumi sayında Rusiya vətəndaşlarının payı 28,3% təşkil edib.

İkinci yerdə Türkiyə vətəndaşları qərarlaşıb – onların payı 20%, üçüncü yerdə isə 7,9% göstərici ilə İran vətəndaşları olub.

Ümumilikdə, ilin ilk 7 ayında Azərbaycana 191 ölkədən 1 milyon 342,6 min xarici vətəndaş və vətəndaşlığı olmayan şəxs gəlib.

Səfər edənlərin 67%-dən çoxunu kişilər təşkil edib.