9 illik ümumi orta təhsil bazasında orta ixtisas təhsili müəssisələrinin boş qalan yerləri üzrə ixtisas seçimi bu gün saat 23:59-da başa çatır.

Bu barədə Dövlət İmtahan Mərkəzi məlumat yayıb.

Məlumata əsasən, ixtisas seçmək hüququ olan abituriyentlər dövlət hesabına və ödənişli əsaslarla olan ixtisaslardan 12-dək ixtisas kodunu seçə bilərlər. Seçim DİM-in elektron xidmətlər portalında “Abituriyentin elektron ixtisas seçimi ərizəsi”nin doldurulması və təsdiqlənməsi yolu ilə həyata keçirilir.

Müsabiqədə yalnız elektron ərizəsini təsdiqləmiş şəxslər iştirak edə biləcəklər.