Azərbaycanda akkreditə olunmuş və Qarabağ bölgəsinə səfər edən xarici diplomatik korpusun nümayəndələri Xankəndidə "AzCotton" MMC-nin tikiş fabrikinin fəaliyyəti ilə tanış olublar.

"Report"un Xankəndiyə ezam olunan əməkdaşı xəbər verir ki, bu çərçivədə diplomatlara fabrik və istehsal prosesləri barədə məlumat verilib.

Xatırladaq ki, Azərbaycandakı xarici diplomatik korpusun nümayəndələri bu gün ikigünlük səfərə başlayıblar və bu səfər çərçivəsində onlar ölkənin Qarabağ və Şərqi Zəngəzur iqtisadi rayonlarına baş çəkəcəklər.