Ermənistanın Xarici Kəşfiyyat Xidmətinin rəhbəri Kristine Qriqoryan Bakıda səfərdə olduqdan sonra İrəvana dönüb.

“NEWS.am”ın yazdığına görə, Qriqoryan sentyabrın 22-də IV Bakı Təhlükəsizlik Forumunda iştirak edib. Onun olduğu təyyarə ilkin olaraq saat 21:40-da İrəvana enməli olsa da, uçuş iki saat gecikib.

Təyyarə saat 23:40-da İrəvan hava limanına enib. Gecikmənin səbəbi açıqlanmayıb.

Qriqoryan hava limanında jurnalistlərin sualları ilə qarşılaşıb. Jurnalistlər, xüsusilə, Bakıda saxlanılan separatçıların geri qaytarılması məsələsinin müzakirə olunub-olunmadığını soruşublar. O, suallara cavab verməyib.

Qeyd edək ki, IV Bakı Təhlükəsizlik Forumu DTX-nin təşkilatçılığı ilə sentyabrın 22-də işə başlayıb. Forumda 100-dən artıq ölkənin xüsusi xidmət orqanlarının rəhbərləri və yüksəkvəzifəli nümayəndələri iştirak edir.