5 şagird xəstəxanaya yerləşdirildi

Gəncədə 5 məktəbli zəhərlənmə şübhəsi ilə xəstəxanaya yerləşdirilib.

Hadisə Cəfər Cabbarlı adına 6 nömrəli tam orta məktəbdə baş verib. 2017-ci il təvəllüdlü 4-cü sinif şagirdləri dərs zamanı özlərini pis hiss ediblər.

İlkin məlumata əsasən, şagirdlərin məktəbin bufetindən aldıqları şirniyyatdan zəhərləndikləri ehtimal olunur.

TƏBİB-in məlumatına görə, zəhərlənmə şübhəsi ilə 5 nəfər Abbas Səhət adına xəstəxananın Yoluxucu xəstəliklər şöbəsinə hospitalizasiya edilib. Pasiyentlərə tibbi yardım göstərilir və onların vəziyyəti stabil qiymətləndirilir.

Hadisənin səbəblərinin müəyyənləşdirilməsi ilə bağlı araşdırma aparılır.