Sakinlər bir sıra məsələləri qaldırıblar

Neftçala Rayon İcra Hakimiyyətinin başçısı Mirhəsən Seyidov Xanməmmədli və Ramazanlı kəndlərinin sakinləri ilə görüşüb.

Səyyar qəbulda rayonun aidiyyəti qurumlarının rəhbərləri və nümayəndələri iştirak ediblər.

Görüşdə Azərbaycanın memarlıq irsi, şəhərsalma siyasəti və 2026-cı ilin “Şəhərsalma və Memarlıq ili” çərçivəsində görülən işlər barədə məlumat verilib.

Həmçinin Neftçalada kənd təsərrüfatının inkişafı, suvarma imkanlarının genişləndirilməsi və mövcud potensialdan səmərəli istifadə istiqamətində görülən tədbirlər diqqətə çatdırılıb.

Sakinlər həkim çatışmazlığı, əkin suyunun verilməsi, bankomat quraşdırılması, dərman təminatı və evlərin sənədləşdirilməsi ilə bağlı problemləri gündəmə gətiriblər.

Müraciətlər dinlənilib, qaldırılan məsələlərin həlli üçün aidiyyəti qurumlara tapşırıqlar verilib.